ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Начар гадәтләре булмаган кешеләрдә аритмиянең төп сәбәбе аталды

12 май 2019, 10:06

Белгечләр бәяләгәнчә, планетада яшәүчеләрнең 75 проценты йөрәк ритмы бозылган дип шикләнми дә.

(Казан, 12 май, "Татар-информ"). Симерүдән интекмәгән һәм, гомумән, сәламәт яшәү рәвеше алып барган кешеләрнең, шулай ук генетика ягыннан аритмия булмаган кешеләрдә йөрәк ритмы бозылу стресслар аркасында барлыкка килергә мөмкин. Бу турыда Medicalxpress хәбәр итә дип яза “Российская газета”.

Британия Колумбия университетыннан (Канада) тикшеренүчеләр аңлатып узганча, стресс нәтиҗәсендә йөрәк мускулында тискәре үзгәрешләр үсеш ала. Шул ук вакытта йөрәкнең кыскару функциясе органда нормадан күбрәк кальций ионнары булуына бәйле.

Шулай итеп, стресс вакытында йөрәк аксымы башка аксымнан сигнал ала. Нәтиҗәдә, кальций белән нәтиҗәле тәэмин итә.

“Процесс йөрәк ритмы артуга китерә, ул аксым сигналы юкка чыккач җайга салына. Озакка сузылган стресс вакытында йөрәк өчен гадәти механизм бозыла һәм аритмия барлыкка килә. Вакытлар узу белән үсеш алырга мөмкин”, - дип аңлатты табиб Филипа Ван Петегем.

Белгечләр бәяләгәнчә, планетада яшәүчеләрнең 75 проценты йөрәк ритмы бозылган дип шикләнми дә. Ягъни, авыру үзен сиздермәскә мөмкин. Гадәттә бу ЭКГ, холтер күзәтүе үткәргәндә ачыклана.

Бигрәк тә аритмия йөрәкнең ишемик авыруы яки гипертония белән бергә үрелеп барганда куркыныч халәт туа. Бу очракта пациентка йөрәк туктавы яки ашказанының фибрилляциясе яный.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10