ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Мамадыш медицина хезмәткәрләре алгылар сафында

11 май 2019, 06:00 , Фото: mamadysh-rt.ru

Мамадыш медицина хезмәткәрләре алгылар сафында Казанда Бөтенроссия “Медицина һәм фармацевтика буенча урта белемле иң яхшы белгечләр“ конкурсының республика этабына йомгак ясалды.
(Казан, 11 май, "Татар-информ", "Нократ"). Мамадыш районы үзәк хастаханәсенең медицина хезмәткәрләре – Татарстанның иң яхшы белгечләре рәтендә.
 
Казанда Бөтенроссия “Медицина һәм фармацевтика буенча урта белемле иң яхшы белгечләр“  конкурсының республика этабына йомгак ясалды. 
 
Анда Мамадыш район үзәк хастаханәсенең данын дүрт шәфкать туташы яклады: Урта Кирмән ФАПы мөдире - фельдшер Эльмира Галиева, гомуми практика  табибы шәфкать туташы Гөлсинә Гәрәева, педиатрия бүлеге шәфкать туташы Елена Пономарева, физиотерапия кабинеты шәфкать туташы Илсюяр Гадельшина. 
 
“Иң яхшы участок шәфкать туташы“ номинациясендә Гөлсинә Гәрәева беренче урынга лаек дип табылды. Эльмира Галиева – “Иң яхшы фельдшер“ номинациясендә  икенче урында. Калган конкурсанткалар да номинантлар булдылар. 
 
Конкурста республикабызның барлык шәһәр, район хастаханәләреннән 100дән артык медицина хезмәткәре көч сынашкан.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10