ҺАВА ТОРЫШЫ +6 oC

Яңалыклар

барлык хәбәрләр Татарстан Россия
×

Авыл

Рөстәм Миңнеханов Нурлат районында җирле бизнеска актив ярдәм итәргә чакырды

10 май 2019, 15:39 , Фото: tatarstan.ru

Рөстәм Миңнеханов Нурлат районында җирле бизнеска актив ярдәм итәргә чакырды Нурлат аграрийлары һәм авыл җирлеге башлыклары белән очрашу “Цветуния” теплица хуҗалыгында булды.

(Казан, 10 май, “Татар-информ”). Бүген Татарстан Президенты Рөстәм Миңнеханов эш сәфәре белән Нурлат районында булды. Президент район җитәкчелегенә җирле бизнеска актив ярдәм итәргә кушты. Бу хакта Татарстан Президентының матбугат хезмәте хәбәр итә.

“Эшмәкәрлек үсеше буенча Нурлат районының динамикасы яхшы. Теплица хуҗалыклары, икмәк пешерү, сыр җитештерү эшчәнлеге бар. Аларга төрлечә ярдәм итү - сезнең бурыч”, - диде Президент.  Рөстәм Миңнеханов авылларны чисту су белән тәэмин итү, халыкка планлы диспансеризация уздыру бурычларын да куйды.

Нурлат аграрийлары һәм авыл җирлеге башлыклары белән очрашу “Цветуния” теплица хуҗалыгында булды.

Сәфәрнең төп максаты язгы кыр эшләре белән танышу иде. Нурлатта Рөстәм Миңнехановны Татарстан Премьер-министры урынбасары – республиканың авыл хуҗалыгы һәм азык-төлек министры Марат Әхмәтов һәм Нурлат районы башлыгы Алмаз Әхмәтшин озата барды.

Нурлат районы республикада авыл хуҗалыгы үсеше буенча алдынгылар унлыгына керә. "Сөт җитештерү буенча күрсәткечләр яхшы. Йомшак яклар да бар. Аерым алганда, районда туфракның бер метрында дым запасы аз", - диде Марат Әхмәтов. Ул хуҗалык җитәкчеләренә һәм агрономнарга орлыкларны чәчү тирәнлеген дымга карап белән билгеләргә, авыл хуҗалыгы техникасын яңартырга киңәш итте.

Нурлат районы башлыгы Алмаз Әхмәтшин чәчү эшләре ахырына якынлашып килүен әйтте. Бүгенге көнгә сабан культураларының 90 проценты чәчелгән. Кукуруз, көнбагыш, шикәр чөгендере кебек техник культураларны 15 майга кадәр чәчеп бетерү планлаштырыла. Агымдагы елның уңышы өчен 1 гектарга 66,2 кг ашлама тупланган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10