ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Авыл

Рөстәм Миңнеханов Алексеевск районында терлекчелекне үстерергә кушты

10 май 2019, 14:53 , Фото: agro.tatarstan.ru

Рөстәм Миңнеханов Алексеевск районында терлекчелекне үстерергә кушты Алексеевск районында язгы чәчүне 11 майга төгәлләргә җыеналар.

(Казан, 10 май, "Татар-информ"). Бүген Татарстан Президенты Рөстәм Миңнеханов Алексеевск районында язгы кыр эшләре барышын тикшерде һәм районда терлекчелекне үстерергә йөкләмә бирде. Бу хакта Татарстанның Авыл хуҗалыгы һәм азык-төлек министрлыгы матбугат хезмәте хәбәр итә.

Президентны Татарстан премьер-министры урынбасары – республиканың авыл хуҗалыгы һәм азык-төлек министры Марат Әхмәтов һәм Алексеевск районы башлыгы Сергей Демидов озата барды. 

Эш сәфәре вакытында Рөстәм Миңнеханов һәм Марат Әхмәтов районның Биләр (ООО “ВЗП Биләр”), Коры Көрнәле (НП Алексеевск) һәм Сахаровка (АО “ВЗП Төньяк Алексеевск”) авыл хуҗалыкларында язгы кыр эшләре барышы белән танышты.

Марат Әхмәтов Алексеевск районы терлекчелек тармагында булган бөтен потенциалын да тулысынча кулланмый диде. Татарстан Президенты Рөстәм Миңнеханов Алексеевск районы башлыгы Сергей Демидовка бу мәсьәлә буенча җентекләп эшләргә кушты.

Сахаровка авылында Рөстәм Миңнеханов хуҗалык җитәкчеләре, инвесторлар һәм Алексеевск районының авыл җирлекләре башлыклары белән аралашты.

Марат Әхмәтов районда язгы кыр эшләрен кызу темплар белән баруын әйтте. Сабан культураларын чәчү 52,6 мең гектарда башкарыла. Шул исәптән язгы бөртекле культуралар – 27,7 мең, арпа – 12,5 мең, бодай – 8,6, солы – 0,6 мең, көнбагыш – 10,1 мең гектарда чәчелә. 34,7 мең гектар мәйданда минераль ашламалар кертелгән. Чәчүне 11 майга төгәлләү планлаштырыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10