ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Казанда бер хатын тәмәке тартып, йортында янгын чыгарган

10 май 2019, 14:21

Янгын кичә көндез, 2 нче Газовая урамындагы 5 нче йортта чыккан.

(Казан, 10 май, “Татар-информ”). Тәмәке тарту нәтиҗәсендә янгын чыккан фатирдан 50 яшьлек хатынны коткарганнар. Бу хакта “Татар-информ”га Татарстанның Гадәттән тыш хәлләр министрлыгының матбугат хезмәтендә хәбәр иттеләр.

“Кичә, 15:35 сәгатьтә экстрен хезмәтләр чакыру өчен 112 бердәм номерына 2 нче Газовая урамындагы биш катлы йортта бер бүлмәле фатир януы турында хәбәр килде”, - диделәр матбугат хезмәтендә.

Янгынчылар ут капкан фатирдан 50 яшьлек хатынны коткарганнар. Сөрем газы белән агулану билгеләре булган хатынны 7 нче шәһәр хастаханәсенә алып киткәннәр.

Янгынның мәйданы 3 квадрат метр булган. Беренче мәгълүматлар буенча, янгын тәмәке тарту аркасында килеп чыккан.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10