ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Азнакайда 9 май иртәсендә солдат боткасы пешерделәр

9 май 2019, 23:00 , Фото: aznakaevo-rt.ru/

Азнакайда 9 май иртәсендә солдат боткасы пешерделәр Районнан фронтка киткән 16 мең 534 кешенең нибары яртысына якыны гына туган якларга әйләнеп кайта алган.

(Азнакай, 9 май ,"Татар-информ", "Маяк", Лиза Нурлыева). 9 май иртәсендә Азнакай шәһәрендә тантана узачак мәйданда солдат боткасы пешерделәр. Биредәге әфган сугышы батырларына куелган һәйкәл янында сугыш чоры җырлары яңгырап торды. Бу турыда җирле басма хәбәр итә.

Ватан сугышы фронтлары әләмнәре җилфердәгән сафлар уртасыннан тынлы оркестр маршы астында ветераннарыбыз, район җитәкчеләре, азнакайлылар Билгесез солдат истәлегенә куелган һәйкәлгә – Җиңү паркына үтте. Тантаналы шартларда, ветераннар катнашында Билгесез Солдат һәйкәленә чәчәкләр салынды. Илгә иминлек теләп зәңгәр күккә 74 ак күгәрчен очырдылар.

Меңләгән азнакайлыларны берләштергән “Үлемсез полк” сафлары – хезмәт коллективлары, олысы-кечесе, сугыш чоры машиналарында урын алган хөрмәтле ветераннарыбыз аннары Җиңү мәйданына юл тотты.

Театральләштерелгән тамаша сугыш чорларында йөртте, күңел төпкелләрен айкап, күзләргә яшь тамчылары элдерде. Никадәр югалтулар, михнәтләр хисабына яуланган бу Җиңү! Районнан фронтка киткән 16 мең 534 кешенең нибары яртысына якыны гына туган якларга әйләнеп кайта алган.

Ни кызганыч, исән-имин әйләнеп кайту насыйп булган солдатларның сафлары да елдан-ел сирәгәя. Бүгенге көндә бу сугышны кичкән ветераннарыбызның нибары 29 ы, сугышчыларның 236 толлары, 657 тыл ветераны гына калып бара. Сугыш чоры балалары 4 меңнән артыграк.

Яу кырында һәлак булган батырлар истәлегенә бер минутлык тынлык игълан ителде, аларны данлап хәрби салют яңгырады. Мәңгелек ут мемориалы чәчәк бәйләмнәренә күмелде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10