ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Чирмешәндә Бөек Җиңү көнендә “Үлемсез полк” акциясендә 1300 кеше катнашты

9 май 2019, 20:00 , Фото: Гөлсирә Шәрифуллина

Чирмешәндә Бөек Җиңү көнендә “Үлемсез полк” акциясендә 1300 кеше катнашты Геройлар Аллеясына веноклар, чәчәкләр куйдылар.

(Чирмешән, 9 май, “Татар-информ“, “Безнең Чирмешән“, Кадыйр Гомәров). Чирмешәндә Бөек Җиңү көнендә “Үлемсез полк” акциясендә 1300 кеше катнашты. Бу турыда җирле басма хәбәр итә.

Әлеге акциягә кушылган райондашларыбыз ул сугышта катнашкан, күбесе инде мәрхүм әтиләре, бабалары, башка якын кардәшләренең зурайтылган фоторәсемнәрен тотып, алдан билгеләнгән маршрут буенча рәтләрдә үттеләр, аннары барысы бергә Титов урамыннан Совет урамына, митинг урынына төштеләр. 

Ветераннарны, митингка килгән райондашларны һәм кунакларны муниципаль район башлыгы Фердинат Дәүләтшин котлады, Бөек Ватан сугышы мизгелләрен хәтердә яңартты, илебез азатлыгы өчен аяусыз көрәшкән якташларны да искә алды, ветераннарга, тыл хезмәтчәннәренә рәхмәтен ирештерде, алар турында күбрәк кайгыртырга өндәде.

Елдагыча, район җитәкчеләре һәм оешмалар вәкилләре район үзәгендәге Мәңгелек ут янындагы һәйкәл, хәрби техника түренә, Геройлар Аллеясына веноклар, чәчәкләр куйдылар.

Митингның үзенә җәлеп итә торган бер мизгеле бар – мәктәп укучыларының, кайбер оешмалар вәкилләренең “тартмага” оешып, төз басып марш атлап үтүе аңа купшылык, дәрәҗә өсти. 

Митингтан соң ветераннарны чәй мәҗлесенә чакырып сыйладылар, концерт та булды. Кич бәйрәм дәвам итәчәк әле – Яшьләр мәйданчыгында дискотека оештыралар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10