ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Спорт

Дөнья чемпионатында Илья Ковальчук Россия җыелма командасы капитаны була

8 май 2019, 20:17

"Овечкин белән Малкин аның ассистентлары булачак", - Россия җыелма командасының баш тренеры диде Илья Воробьев.

(Казан, 8 май, “Татар-информ”). Хоккей буенча Россия җыелма командасының баш тренеры Илья Воробьев 2019 елда Словакиядә узачак Дөнья чемпионатында капитан һәм аның ярдәмчеләре исемнәрен атады. Бу турыда “Интерфакс” хәбәр итә.

  • Хоккей буенча Дөнья чемпионаты 10-26 майда Братислава белән Кошицеда (Словакия) узачак. Россия җыелма командасы В төркемендә уйнаячак. Австрия, Латвия, Италия, Норвегия, Чехия һәм Швейцария аның көндәшләре булачак. Россия спортчылары беренче матчларын 10 майда Норвегия командасына каршы үткәрәчәк.

"Илья Ковальчук капитан, ә Овечкин белән Малкин аның ассистентлары булачак", - дигән Илья Воробьев журналистлар белән очрашуда.

Алдан Дөнья чемпионатында катнашачак Россия җыелма командасы составы игълан ителгән иде. Капкачылар - Андрей Василевский, Александр Георгиев, Илья Сорокин.

Сакчылар - Артем Зуб, Динар Хафизуллин, Владислав Гавриков, Дмитрий Орлов, Никита Зайцев, Артем Блажиевский, Александр Елесин, Богдан Киселевич, Никита Нестеров, Михаил Сергачев.

Һөҗүм итүчеләр - Иван Телегин, Александр Овечкин, Евгений Малкин, Сергей Андронов, Артем Анисимов, Сергей Плотников, Михаил Григоренко, Евгений Дадонов, Илья Ковальчук, Кирилл Капризов, Никита Кучеров, Евгений Кузнецов, Александр Барабанов, Никита Гусев.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10