ҺАВА ТОРЫШЫ +24 oC

Яңалыклар

барлык хәбәрләр Татарстан Россия
×

Хәвеф-хәтәр

Чаллыда тугыз катлы йортта чыккан янгыннан өлкәннәр һәм бер бала эвакуацияләнде

8 май 2019, 10:04 , Фото: ГУ МЧС России по РТ

Чаллыда тугыз катлы йортта чыккан янгыннан өлкәннәр һәм бер бала эвакуацияләнде
Янгын Чәчәкле бульварындагы йорт фатирында булган.

(Казан, 8 май, «Татар-информ»). Чаллыда тугыз катлы йортта чыккан янгын аркасында өйдән сигез өлкән кеше һәм бер укучы бала эвакуацияләнде. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген төнге сәгать өчтә Гадәттән тыш хәлләр министрлыгына Чәчәкле бульварындагы йорт фатирында янгын чыгу турында хәбәр килде. Урынга килгән 56нчы номерлы частьнең янгын сүндерүчеләре йортның бишенче катында янгын булуын ачыкладылар», - дип сөйләделәр Гадәттән тыш хәлләр министрлыгында.

Янгын сүндерүчеләр дүрт квадрат метр мәйданны биләгән янгынны оператив рәвештә сүндергән. Янгын сүндерүчеләр коткару битлеген кидереп, алтынчы каттан 11 яшьлек малайны төшергәннәр. Йорттан тагын сигез кеше эвакуацияләнгән.

Белгечләр янгынның сәбәбен ачыклый.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10