ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Актаныш районы башлыгы Бөек Ватан сугышы ветераннары белән очрашты

8 май 2019, 06:00 , Фото: aktanysh-rt.ru

Актаныш районы башлыгы Бөек Ватан сугышы ветераннары белән очрашты Җиңү көне уңаеннан аларның барысына да күчтәнәч (азык-төлек җыелмасы) тапшырылды.

(Актаныш, 8 май, "Татар-информ", "Актаныш таңнары", Лилия Бәхтиева). Бөек Җиңү бәйрәме алдыннан район башлыгы җитәкчелегендәге делегация Актаныш районының Бөек Ватан сугышы ветераннары янына барып, аларның хәлләрен белешә, Бөек Җиңү өчен рәхмәт белдерә һәм Ил өчен барган көрәшкә күтәрелгән каһарманнарга нык сәламәтлек тели.

7 май көнне Актаныш муниципаль районы башлыгы Энгель Фәттахов Бөек Ватан сугышында катнашкан 15 ветеран, аларның тормыш иптәшләре белән очрашты. Сафлары сирәгәйгән ил улларына Энгель Фәттахов Татарстан Президенты тәбрикләмәсен, үзенең шәхси котлау открыткасын, Бөек Ватан сугышында Җиңүнең 74 еллыгына багышланган бүләк-күчтәнәч җыелмаларын тапшырды. 

Ветераннар исә район башлыгына даими күрсәтелгән ярдәм һәм кайгырту өчен рәхмәтләрен ирештерделәр, сугыш вакытында кичергән авырлыклары, совет солдатларының фидакарьлеге турындагы истәлекләре белән уртаклаштылар.

Актаныш районында Бөек Җиңүнең 74 еллыгын безнең белән бергә Бөек Ватан сугышында катнашкан 15 ветеран, 97 сугышта һәлак булган һәм тыныч тормышта вафат булган фронтовикларның тол хатыннары каршы ала. Җиңү көне уңаеннан аларның барысына да күчтәнәч (азык-төлек җыелмасы) тапшырылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10