ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Авыл

Быел Татарстанда техник культураларның мәйданнары узган елдагыча сакланган

7 май 2019, 17:37 , Фото: архив tatar-inform

Быел Татарстанда техник культураларның мәйданнары узган елдагыча сакланган Техник культуралар барлыгы 336 мең гектар тәшкил итә.

(Казан, 7 май, “Татар-информ”, Гөлнар Гарифуллина). Татарстанда техник культураларның мәйданнары узган елдагыча сакланган. Бу хакта ТР вице-премьеры – Авыл хуҗалыгы һәм азык-төлек министры Марат Әхмәтов Министрлар Кабинетында узган брифингта әйтте.

“Техник культураларның мәйданнарын саклыйбыз. 3 млн тоннага якын уңышка исәпләнгән шикәр чөгендере үстерелә. Рапс, көнбагыш һәм кукурузаны бөртеккә, аларның өлгерү мөмкинлегеннән чыгып һәм кыска вакытта көзге уракта алып бетерерлек итеп игәбез. Артык мавыгырга ярамый, чөнки кар астында калу куркынычы да бар”, - диде министр.

Техник культуралар барлыгы 336 мең гектар тәшкил итә. Бүген шикәр чөгендере 52 мең га мәйданда игелгән (81 проценты), май культуралары 100 мең га тәшкил итә (37 процент).

“120-130 мең гектар тирәсе рапс, 140-150 мең гектар тирәсе көнбагыш культурасы үстерелә. Рапс һәм көнбагыш өлгерү, җыеп алу белән акча китерә торган культуралар. Урак вакытында бөртекле ашлыкка бәяләр дә түбән була, шуңа күрә көтәрлек мөмкинлеге булмаганы сатарга мәҗбүр була, көтәргә мөмкин булганы яңа ел җиткәч, бәяләр кыйбатлангач сата”, - диде Марат Әхмәтов.

Бәрәңге быел 5,9 мең га, ачык грунтта яшелчәләр 2,3 мең га мәйданда үстереләчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10