ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Икътисад

Белоруссиядән сөт продуктларын савытларга тутырмыйча кертергә рөхсәт ителде

7 май 2019, 16:57

Чикләү ветеринария һәм санитария нормаларына һәрвакытта да туры килмәве белән бәйле иде

(Казан, 7 май, «Татар-информ»). Россельхознадзор Белоруссиядән сөт продуктларын савытка тутырмыйча кертергә рөхсәт итте. Моңа кадәр болай эшләү тулысынча тыелган иде. Бу хакта «Интерфакс» агентлыгы күзәтчелек органы сайтына сылтама белән хәбәр итә.

2018 елның 6 июнендә кертелгән әлеге чикләүләр Белоруссиядә җитештерелгән продукциянең Россия һәм Евразия икътисади берлегенең ветеринария һәм санитария нормаларына һәрвакытта да туры килмәве белән бәйле иде. Өстәвенә, Белоруссиядә җитештерелгән дип, Россиягә башка илләрдән дә продукция кертү очраклары булган.

Чикләүләр Россиягә 2,5 литрдан зуррак савытта пастеризацияләнгән, стерильләштерелгән һәм ультрапастеризацияләнгән сөт һәм каймак, коры, концентрацияләнгән, консервланган, куертылган сөт һәм каймак һ.б. сөт продукциясе кертүгә кагылган. 

Россельхознадзорның матбугат сәркатибе Юлия Мелано журналистларга хәбәр иткәнчә, күзәтчелек органы тарафыннан Белоруссиянең 29 предприятиесенә карата кертелгән башка чикләүләр саклана. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10