ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Татарстанда татарча язылган юл билгеләре барлыкка киләчәк

7 май 2019, 12:41 , Фото: Михаил Захаров

Татарстанда татарча язылган юл билгеләре барлыкка киләчәк "Без рус телендәге билгеләрдән башладык, быел исә татарча язулар да барлыкка киләчәк", - ди Татарстан буенча ЮХИДИ Идарәсе башлыгы Ленар Габдрахманов.
(Казан, 7 май, "Татар-информ", Лилия Локманова). Быел Татарстанда "Уңга һәм сулга карагыз" дип татарча язылган юл билгеләре барлыкка киләчәк. Бу хакта бүген "Татар-информ" мәгълүмат агентлыгы уздырган матбугат очрашуында Татарстан буенча ЮХИДИ Идарәсе башлыгы Ленар Габдрахманов хәбәр итте.
 
Әлеге язулар җәяүлеләр өчен юл аркылы чыгу урыннарында булачак.
 
"Без рус телендәге билгеләрдән башладык, быел исә татарча язулар да барлыкка киләчәк. Бигрәк тә мондый язулар  татарлар күпләп яши торган район үзәкләрендә булдырылачак. Әлеге чаралар кеше гомерләрен саклап калырга ярдәм итүенә ышанам", - диде ЮХИДИ җитәкчесе. 
 
Сүз уңаеннан, республикада "Посмотрите налево и направо" дигән язулы 20 җәяүле юлы бар инде. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10