ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Рульдә барганда телефоннан "туры эфир"га чыгучылар җаваплылыкка тартылачак

7 май 2019, 11:00

Юлда барганда телефоннан файдаланучы машина йөртүчеләр хакында хәзер "Халык контроле" порталында да хәбәр итәргә мөмкин.
(Казан, 7 май, "Татар-информ", Лилия Локманова). Рульдә барганда социаль челтәрләрдә "туры эфир"га чыгучыларны җаваплылыкка тарта башлаячаклар. Бу хакта бүген "Татар-информ" мәгълүмат агентлыгы уздырган матбугат очрашуында Татарстан буенча ЮХИДИ идарәсе башлыгы Ленар Габдрахманов хәбәр итте. 
 
Аның сүзләренчә, өч очрак буенча машина йөртүчеләр җаваплылыкка тартылган инде. 
 
"Хәзер бик күпләр машина йөрткәндә, телефоннан сөйләшә, төрле месенджерларда аралаша. Алай гына да түгел, кайберәүләр "туры эфир"га да чыга. "Туры эфир" га чыгучылар гына түгел, рульдә барганда телефоннан файдаланган барлык машина йөртүчеләр дә җаваплылыкка тартылырга мөмкин", - диде Ленар Габдрахманов. 
 
ЮХИДИ вәкиле хәбәр итүенчә, юлда барганда телефоннан файдаланучы машина йөртүчеләр хакында хәзер "Халык контроле" порталында да хәбәр итәргә мөмкин. 
 
Ленар Габдрахманов билгеләп узганча, апрель аенда ЮХИДИ хезмәткәрләре "Мобильник" операциясе уздырган. Нәтиҗәдә, 3150 машина йөртүче җаваплылыкка тартылган. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10