ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

Әлки районы укучысы Бөтенроссия яшь язучылар бәйгесе җиңүчесе булды

7 май 2019, 06:00

Адилә анда “Усал малай” дип аталган хикәясе белән катнашкан.

(Әлки, 7 май, "Татар-миинформ", "Әлки хәбәрләре").  Әлки районының Нәби Дәүли исемендәге гимназиянең 8 “А” сыйныф укучысы Адилә Мусина “Илһам” Бөтенроссия яшь язучылар бәйгесе җиңүчесе булды. Бу турыда җирле басма хәбәр итә.

Бәйгегә Татарстаннан һәм Россия өлкәләреннән 1624 эш тәкъдим ителгән булган. Адилә анда “Усал малай” дип аталган хикәясе белән катнашкан. Ә Чистайда зона сайлап алу турында язучылардан, шагыйрьләрдән торган комиссия алдында үзенә күрә имтихан да тоткан.

Аның хикәясен жюри әгъзалары ошаткан, һәм Адилә “Проза” номинациясендә икенче урынга лаек булган. Казанда узган Бөтенроссия туган телләр форумында җиңүчеләрне Бөтенроссия татар конгрессының Милли шура рәисе Васил Шәйхразиев тәбрикләгән. Адилә Мусина диплом һәм сертификат белән бүләкләнгән.

Адиләнең җитәкчесе – гимназиянең татар теле һәм әдәбияты укытучысы Алия Шәйхетдинова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10