ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Түбән Камада яшәүчеләр "Җиңү диктанты" язачак

6 май 2019, 23:00

Диктантны теләге булган һәркем яза ала.

(Казан, 6 май, "Татар-информ"). Иртәгә түбәнкамалылар "Җиңү диктанты" язачак. Акция Россиядә һәм 23 чит илдә 1,5 меңгә якын мәйданчыкта оештырыла. Бу турыда Түбән Кама муниципаль районы рәсми сайтында хәбәр ителә.

Татарстанда " Җиңү диктанты" пунктлары Казан, Яр Чаллы, Түбән Кама, Әлмәт һәм Бөгелмә шәһәрләрендә ачыла. Аны "Тарихи хәтер" федераль проекты кысаларында "Бердәм Россия" партиясе уздыра.

Текст Бөек Ватан сугышы вакыйгаларына багышланган. Аны 50 меңнән артык кеше язар дип көтелә. Диктант язганнан соң, махсус сайтта онлайн-тест башкарырга кирәк булачак, ә диктант нәтиҗәләре 12 июнь - Россия көнендә билгеле булачак.

Түбән Камада диктант язу пункты буларак 10 нчы урта мәктәп сайлап алынган. Диктантны теләге булган һәркем яза ала.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10