ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Хәвеф-хәтәр

Шереметьево аэропортындагы һәлакәттә 41 кеше үлгән

6 май 2019, 07:33

Самолетта булган 78 кешенең 37е исән калган - 33 пассажир һәм дүрт экипаж әгъзасы. Исән калучылар исемлеге "Аэрофлот" сайтында урнаштырылган.

(Казан, 6 май, "Татар-информ"). Шереметьево аэропортында "Аэрофлот" компаниясенең Sukhoi Superjet 100 самолеты һәлакәте нәтиҗәсендә кырык бер кеше һәлак булды, дип хәбәр итте РФ Тикшерү комитетының Мәскәү төбәкара тикшерү идарәсе җитәкчесенең өлкән ярдәмчесе Елена Марковская. Бу турыда РИА Новости яза.

"41 кеше", - дип җавап бирде ул журналистларның күпме кеше һәлак булган дигән соравына. 

Ведомство мәгълүматларына караганда, самолетта булган 78 кешенең 37е исән калган - 33 пассажир һәм дүрт экипаж әгъзасы. Исән калучылар исемлеге "Аэрофлот" сайтында урнаштырылган. Алты кеше хастаханәгә озатылган,аларның өчесе авыр хәлдә.

Мәскәүдән Мурманскига барган Sukhoi Superjet 100 "Аэрофлот" самолеты якшәмбе кич Шереметьево аэропортына ашыгыч рәвештә әйләнеп кайтты һәм 28 минуттан очыштан соң каты рәвештә җиргә утырды. Самолет катлаулы һава торышы аркасында икенче тыпкырдан гына утыра алды. Самолет төшкәндә аның двигательләре яна башлый.

Тикшерү комитеты "Саксызлык аркасында ике яки аннан күбрәк кешенең үлеменә китергән һава транспортының куркынычсызлык кагыйдәләрен бозу" дигән 263нче маддә буенча җинаять эше кузгаткан. Дмитрий Медведев гадәттән тыш хәлләрне тикшерү буенча дәүләт комиссиясе төзергә кушты. 

Мурманск өлкәсе губернаторы вазыйфаларын вакытлыча башкаручы Андрей Чибис төбәктә өч көнлек матәм игълан итте, һәлак булган пассажирларның гаиләләре 1 млн сум, хастаханәгә озатылучылар 500 мең сум күләмендә акча алачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10