ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Хәвеф-хәтәр

Башкортстан туристлары Төркия аэропортында тоткарланган

5 май 2019, 13:31

Мәгълүматларга караганда, берничә йөз кеше әлеге хәлдә калган.

(Казан, 5 май, «Татар-информ»). Анталия-Оренбург рейсы пассажирлары Төркия аэропортыннан очып китә алмый. Алар арасында Башкортстаннан биш кеше бар. Бу хакта «Башинформ» хәбәр итә.

Очышны башта өч сәгатькә тоткарлаганнар. Самолетка утыргач, корабль командиры һава судносы Оренбургка түгел, ә Дубай шәһәренә оча, анда калган туристларны алу өчен, дип игълан иткән. 

«Барлык пассажирлар өчен бу сюрприз булды! 12 сәгать юлда, 2 сәгать - очу, 2 сәгать - утырту», — дип сөйләгән «Башкортостан» ГТРКсына пассажирлар.

Туристлар сүзләренә караганда, хәлләре кыенлашкан пассажирларга вакытында медицина ярдәме күрсәтелгән. Нәтиҗәдә, сәламәтлекләре буенча озак очышта булырга теләмәүче туристларның бер өлешен Анталия кунакханәсендә калдырганнар.

Хәзер авиаташучы пассажирларны Оренбургка туры рейс белән җибәрү мөмкинлеген эзли.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10