ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Спорт

Фәрит Мөхәммәтшин: Казан марафонында 30 илдән командалар катнаша - бу рекорд

4 май 2019, 17:55 , Фото: пресс-служба Единой России

Фәрит Мөхәммәтшин: Казан марафонында 30 илдән командалар катнаша - бу рекорд

«Бердәм Россия» командасы Казан марафонында 3 километрлы дистанциядә катнашты.

(Казан, 4 май, «Татар-информ», Артур Шипилов). «Бердәм Россия» командасы Казан марафонында 3 километрлы дистанциядә катнашты. Йөгерүгә стартны Татарстан Дәүләт Советы Рәисе, «Бердәм Россия» партиясенең Татарстан төбәк бүлеге сәркатибе Фәрит Мөхәммәтшин бирде.

«Спорт, физкультура традицияләре безнең республикада һәм аның башкаласында актив рәвештә үсеп китте. Марафонда 30 илдән командалар катнаша. Бу чит ил командалары саны буенча рекорд, марафонда катнашучыларның гомуми саны буенча рекорд (25 меңгә якын кеше). Шуңа күрә бу чара - матурлык, сәламәтлек һәм мәхәббәтнең зур спорт бәйрәме», - диде ул.

«Санкцияләргә, безнең җиңел атлетларны допинг куллануда гаепләүләренә карамастан, без Татарстанда ничек җиңәргә һәм катнашырга кирәклеген үрнәк мисал итеп күрсәтәбез», - дип мөрәҗәгать итте Мөхәммәтшин катнашучыларга.

Узышта катнашудан тыш, партия фан-зонада медицина тикшеренүе чатыры оештырган. Анда теләге булган һәркем үзенең кан басымын һәм авырлыгын үлчи, шулай ук диетолог киңәшләрен ала алды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10