ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Рәсми Татарстан

Фәрит Мөхәммәтшин Татарстан яшьләр иҗтимагый палатасы бурычларын билгеләде

4 май 2019, 16:49 , Фото: gossov.tatarstan.ru

Фәрит Мөхәммәтшин Татарстан яшьләр иҗтимагый палатасы бурычларын билгеләде
Яшьләр парламентының 15 еллыгы уңаеннан Татарстан Дәүләт Советы каршындагы палата утырышы узды.

(Казан, 4 май, «Татар-информ», Валерия Белова). Татарстан Дәүләт Советы Рәисе Фәрит Мөхәммәтшин Татарстанның яшь парламентарийларын яшьләр иҗтимагый палатасының 15 еллыгы белән котлады. Утырыш вакытында Мөхәммәтшин узган елга йомгак ясады һәм киләчәккә бурычлар билгеләде.

«Татарстан күп юнәлешләр буенча Россиянең модель төбәге булып тора. Безнең төрле өлкәләрдә мәсьәләләрне хәл итүнең зур тормыш һәм практик тәҗрибәсе тупланган. Безгә бу өлкәдә тагын да күбрәк эшләргә кирәк. Безнең бурыч – эре инвестицион проектларны җәлеп итү һәм гамәлгә ашыру, җитештерүнең нәтиҗәлелеген һәм кешеләрнең эшлекле активлыгын арттыру», – диде Фәрит Мөхәммәтшин.

Татарстан Дәүләт Советы Рәисе сүзләренчә, илнең күп кенә төбәкләрендә, шул исәптән Татарстанда да, яшьләр парламентлары яшьләр сәясәтен формалаштыруга зур өлеш кертә.

«Бүген сезгә креативлылыгызны, инициативагызны күрсәтү өчен яхшы мөмкинлек бар, бигрәк тә искечә фикерләү, традицион схемалар эшләми торган очракларда. Бигрәк тә хәзер сезнең иҗади энергия, традицион булмаган идеяләр кирәк», - дип мөрәҗәгать итте Фәрит Мөхәммәтшин чарада катнашучыларга.

«Яшьләрне катлаулы икътисади шартларда эшкә урнаштыру проблемасы кискен тора. Менә бу мәсьәләне хәл итәргә кирәк, республика Президенты Рөстәм Миңнеханов идеясен күтәреп алыгыз. Кайдадыр без югары уку йортына укырга керергә һәм теге яки бу һөнәр алырга теләгән яшьләр белән эшләп бетермибез», - диде ул.

Татарстан Дәүләт Советы Рәисе һөнәри юнәлеш бирү эшчәнлеге белән иртә стадияләрдә шөгыльләнергә кирәклеген әйтте. «Әйдәгез, һөнәрне иртә сайлау процессына кушылыйк», - дип нәтиҗә ясады Мөхәммәтшин
  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10