ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада танылган табиб-аллерголог Рифкать Гатупов вафат булган

4 май 2019, 15:15 , Фото: e-nkama.ru

Түбән Камада танылган табиб-аллерголог Рифкать Гатупов вафат булган
 Рифкать Гатупов 38 ел дәвамында табиб булып эшләгән, шуларның 36 елын аллергология белән шөгыльләнгән.

(Казан, 4 май, «Татар-информ»). Бүген, 4 майда, 61нче яшендә Түбән Кама районы буенча Сәламәтлек саклау идарәсенең аллергология һәм иммунология буенча баш белгече, Түбән Кама үзәк хастаханәсе психологы-психоаналитигы, табиб-аллергологы Рифкать Гатупов вафат булды. Бу хакта Татарстанның Түбән Кама районы матбугат хезмәте хәбәр итә.

Ул 38 ел табиб булып эшләгән, шуның 36 елында аллергология белән шөгыльләнгән. Рифкать Гатупов Түбән Кама халкының күбесенә – өлкәннәргә дә, балаларга да ярдәм итә. Моннан тыш, ул аллерголог буларак кына түгел, психолог буларак та билгеле.

Рифкать Гатупов җәмәгать тормышында актив катнаша – Түбән Кама медицина журналына нигез салучыларның берсе, 3нче Шәһәр хастаханәсендә Гыйльми совет сәркатибе була, остазлар советын җитәкли, Түбән Кама сәламәтлек саклау елъязмасы белән шөгыльләнә.

Мәрхүм белән белән хушлашу 5 май көнне 9.00 сәгатьтә Үзәк Җәмигъ мәчетендә була.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10