ҺАВА ТОРЫШЫ +24 oC

Яңалыклар

барлык хәбәрләр Татарстан Россия
×

Хәвеф-хәтәр

Казанда янгын чыккан фатир балконыннан бер ир-атны коткарганнар

4 май 2019, 12:23

Янгын Әмирхан урамындагы йортның дүртенче катында булган.

(Казан, 4 май, «Татар-информ»). Казанда янгын чыккан фатирның балконына чыгып баскан ир-атны коткаручылар дүртенче каттан төшергән. Бу хакта Россия гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Янгын Әмирхан урамында урнашкан 10нчы йорт фатирында чыккан. Ир, төтеннән һәм уттан сакланып балконга чыккан һәм ярдәм сораган», - дип әйттеләр Гадәттән тыш хәлләр министрлыгында.

Нәтиҗәдә, янгын сүндерүчеләр автобаскыч куеп, бу ир-атны дүртенче кат балконыннан җиргә төшергән. Бер кеше дә зыян күрмәгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10