ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Казаннан килгән турист ир-ат Марий Элда һәлак булган

4 май 2019, 09:27 , Фото: соцсети

Казаннан килгән турист ир-ат Марий Элда һәлак булган Көчле җил аударган агач ир-атның муенына килеп төшкән.

(Казан, 4 май, «Татар-информ»). Марий Элда туристлар елга буйлап  агып төшү вакытында Казанда яшәүче ир-ат һәлак булган. Аның өстенә агач төшкән. Бу хакта социаль челтәрдәге Марий Эл авария-коткару хезмәтенең рәсми төркемендә хәбәр иттеләр.

Кичә көндез Марий Эл авария-коткару хезмәтенең оператив кизү тору пультына Звенигово районында Юшут елгасында ир-ат өстенә агач төшүе турында хәбәр килә.

Урынга килгән коткаручылар имгәнгән ир-атны носилкага салып, «ашыгыч ярдәм» табибларына илтеп тапшырган. Ул Казанда яшәүче 35 яшьлек ир-ат булып чыккан. Умыртка сөяге сынуда шикләнеп, ирне Волжск хастаханәләренең берсенә озатканнар. 

Социаль челтәрләрдәге мәгълүмат буенча, агачны көчле җил аударган. Бу вакытта турист ир-ат палаткадан чыгып килә торган булган. Агач аның муенына килеп төшкән. Социаль челтәрләрдән кулланучылар мәгълүматы буенча, ир-ат хастаханәгә барганда юлда вафат булган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10