ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Арча-Әтнә хәрби комиссары Бөек Ватан сугышы ветераннарын котлады

3 май 2019, 19:00 , Фото: atnya-rt.ru/

Арча-Әтнә хәрби комиссары Бөек Ватан сугышы ветераннарын котлады Әтнә районында быелгы бәйрәмне алты сугыш ветераны каршы ала.

(Әтнә, 3 май,  “Татар-информ, ”Әтнә таңы”). Хәрби комиссар Алмаз Борһанов Татарстан Республикасы хәрби комиссары Сергей Николаевич Погодин һәм Арча-Әтнә хәрби комиссариаты исеменнән Бөек Ватан сугышы ветераннарын якынлашып килүче Бөек Җиңүнең 74 еллыгы белән котлады. Бу турыда “Әтнә таңы” сайтында хәбәр ителә.

Районда бүгенге көндә 6 ветеран бар. Аларның дүртесе Бөек Ватан сугышында катнашкан. Рәис Вәли улы 1953 елда китеп - Венгрия сугышында, Зиннур Шиһап улы 1951 елның апрелендә армиягә алынып, Корея сугышында була. Бу ике ветеран Бөек Ватан сугышы ветераннары дәрәҗәсенә тигезләштерелгән.

Бүләк итеп ветераннарга солдатлар йөрткән паек тапшырылды. 

Арча белән Әтнә районнарыннан бергә 28 501 кеше сугышка китә,аларның 14 000 нән артыгы сугыш кырында ятып кала. Әтнә районы сугышка 3028 ир-егетен озата.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10