ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Татар дөньясы

Түбән Новгородта Хәйдәр Бигичевка багышланган иҗади бәйге уздырыла

3 май 2019, 17:26

Чара танылган җырчының тууына 70 ел тулуга багышлана.
(Казан, 3 май, "Татар-информ"). Түбән Новгород Татар милли-мәдәни автономиясе һәм җирле "Ак калфак" татар хатын-кызлары оешмасы якташлары Хәйдәр Бигичевка багышланган иҗади бәйге игълан итә. Бу хакта автономиянең социаль челтәрдәге сәхифәсендә язылган. 
 
Исән булса, танлыган җырчы Хәйдәр Бигичевка 16 июньдә 70 яшь тулган булыр иде. Аның истәлеген мәңгеләштерү максатыннан, түбәнновгородлылар Хәйдәр Бигичевның тормышына һәм иҗатына багышланган эсселәр бәйгесе уздыра. Иҗади эшләр татарча да, русча да булырга мөмкин. 
 
Шулай ук, шигырь, поэма, хикәя жанрында иҗат ителгән әсәрләр дә кабул ителә. Рәсем ясарга яратучылар җырчының портретын яисә жанрлы композицияне жюри хөкеменә җиткерә ала. 
 
Иң яхшы дип табылган эшләр "Туган як" газетасында һәм "Нижгар татарлары" журналында бастырылачак. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10