ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Россия Президенты Казандагы тулы мәктәпләр проблемасын хәл итүдә киңәшләр бирде

3 май 2019, 15:39 , Фото: Салават Камалетдинов/архив

Россия Президенты Казандагы тулы мәктәпләр проблемасын хәл итүдә киңәшләр бирде Путин Татарстанда социаль объектларны урнаштыру белән бәйле боерыклар бирде.

(Казан, 3 май, “Татар-информ”). Россия Президенты Владимир Путин Казандагы тулы мәктәпләр проблемасын хәл итү буенча киңәшләр бирде. Бу хакта дәүләт башлыгының быелның 12 февралендә Казанның “Московсий” мәдәни үзәгендә узган “Торак һәм шәһәр мохите” милли проектын тормышка ашыру өчен җәмәгатьчелек белән фикер алышу нәтиҗәләре буенча әзерләнгән борыкларында әйтелә.

Татарстан Хөкүмәтенә һәм Казан мэриясенә мәктәпләрдә урын җитмәүне “белем бирү оешмалары өчен күп катлы биналар төзү (буш җир кишәрлекләре булмаса һәм торак йортлары тыгыз урнашкан булса) яки шәһәрнең тарихи өлешендә урнашкан урта белем бирү оешмаларын реконструкцияләү” юлы белән хәл итәргә киңәш итте.

Шулай ук Россия Президенты транспорт чарасы белән идарә итүгә экзамен бирү өчен республика мәйданчыгын мәктәпләрдән еракта урнаштырырга һәм инвалидлар өчен киртәсез мохит булдырырга киңәш бирде.

Моннан тыш, Путин Татарстан Хөкүмәтенә 1 июньгә кадәр эш бирүчеләр һәм инвалидларның иҗтимагый оешмалары белән мөмкинлекләре чикләнгән кешеләр өчен яңа эш урыннары булдырырга кушты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10