ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Фән һәм мәгариф

“ERASMUS +” программасы нигезендә КФУ һәм Мармара университеты арасында килешү яңартылды

2 май 2019, 15:17

Программа кысаларында югары уку йорты мөгаллимнәре алмашынып, студентларга, магистрларга белем бирә.

(Казан, 2 май, “Татар-информ”, Зилә Мөбәрәкшина). Агымдагы елның уку елында “ERASMUS +” программасы нигезендә Казан федераль университеты һәм Төркиянең Мармара университеты арасында килешү яңартылды. Бу хакта “Татар-информ” хәбәрчесенә профессор Әлфия Йосыпова хәбәр итте.

Мармара университеты “ERASMUS +” программасына гариза җибәргәндә Россиядән берничә югары уку йортын партнер буларак чакырган. Шулар арасында Мәскәү дәүләт университеты, Санкт-Петербург дәүләт университеты, Казан федераль университеты һәм Дагыстан дәүләт университеты бар.

“Шуның нигезендә Казан федераль университеты мөгаллимнәре Мармара университетына, ә Мармара университеты укытучылары безгә килеп, дәресләр бирергә тиеш булды. Быел әле бары тик укытучылар алмашу турында гына сүз барды”, - диде Әлфия Йосыпова.

“Әлеге конкурс игълан ителгәч, без документларны әзерләп бирдек. Әлбәттә, монда махсус тюркология өлкәсендә эшләүче мөгаллимнәр чакырылды, шулай ук, аларның төрек телен белүләре дә әһәмияткә ия иде”, - диде ул.

Галимә сүзләренчә, дәресләр фәкать төрек телендә генә барган, чөнки шундый таләп куелган. “Мармара университеты кандидатларны үзе сайлады һәм миңа бу университетка бер атналык стажировкага да барырга туры килде”, - диде ул.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10