ҺАВА ТОРЫШЫ +14 oC

Яңалыклар

барлык хәбәрләр Татарстан Россия
×

Җәмгыять

Бәйрәмнәрдә Казанның кайсы урамнары ябык булачагы билгеле

30 апрель 2019, 17:14 , Фото: архив/Ильнар Тухбатов

Бәйрәмнәрдә Казанның кайсы урамнары ябык булачагы билгеле "Автомобиль йөртүчеләрдән маршрутларны алдан сайлау сорала", - диде Азат Абзалов.

(Казан, 30 апрель, "Татар-информ", Айдар Әхмәдиев). Җиңү көнен бәйрәм итү уңаеннан Казанда кайбер юлларда транспорт хәрәкәте чикләнәчәк. Юлларның исемлеген бүген Башкарма комитетының мәдәният идарәсе башлыгы Азат Абзалов ТР Министрлар кабинетында узган брифингта атап узды.

6 майда сәгать 8:00 - 23:00, 7 майда сәгать 17:00 - 22:00 һәм 8 майның иртәнге сәгатьләреннән алып 9 майның киченә кадәр Меңъеллык мәйданында һәм аның тирә-юньдәге урамнарда транспорт хәрәкәте туктатылачак.

Шулай ук, 9 майда "Үлемсез полк" акциясе узу сәбәпле, көндез Карл Маркс, Зур Кызыл, Горький, Толстой, Муштари, Гоголь, Жуковский, Лобачевский һәм Кремль урамнары ябык булачак.

8 һәм 9 майда Бондаренко урамында (Ямашев проспектыннан алып Маршал Чуйков урамына кадәр) машиналар өчен йөрү туктатылачак.

Сибгат Хәким урамында (Декабристлар урамыннан алып Абдулла Бичурин урамына хәтле) 9 майның кичке сәгатьләрендә транспорт хәрәкәте читләнәчәк.

"Бәйрәм көннәрендә автомобиль йөртүчеләрдән маршрутларны алдан сайлап кую сорала", - диде Азат Абзалов. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10