ҺАВА ТОРЫШЫ +14 oC

Яңалыклар

барлык хәбәрләр Татарстан Россия
×

Җәмгыять

Россиядә беренче «Цифрлы урам чаты» Казанда ачылачак

30 апрель 2019, 11:22 , Фото: архив

Россиядә беренче «Цифрлы урам чаты» Казанда ачылачак Проектны гамәлгә ашыру өчен - 2,8 миллион, аңа бер ел хезмәт күрсәтү өчен 150 мең сумга якын акча сарыф итәчәкләр.

(Казан, 30 апрель, «Татар-информ», Александра Давыдова). «Казан» Гаилә үзәге янында цифрлы технологияләр кулланып модернизацияләнгән урам чаты барлыкка киләчәк. ТР Дәүләт Советы депутаты, ТР Автомәктәпләр федерациясе рәисе, «Аҗаган» җитештерү берләшмәсе генераль директоры Артур Абдулҗанов «Татар-информ» агентлыгына шул хакта хәбәр итте,

Яңартылган Декабристлар – Сибгат Хәким – Комсомол урамнары чатын 6 июнь көнне «Имин тәгәрмәч» акциясе кысаларында ачарга ниятлиләр.

«Россиядә мондый урам чатлары юк, чит илләрдә дә очратмадык. Ниндидер элементлары кулланыла, әлбәттә, әмма безнекендә яңа әйберләр күп. Нигездә аларны үзебез эшләдек, чөнки республикада нинди проблемалар барлыгын беләбез. Әлеге проблемаларга таянып, без бу җәяүлеләр кичүендә куркынычсызлык элементлары кертергә тырыштык», - диде ул.

Урам чатын заманча цифрлы технологияләр – җәяүлеләргә хәбәр итү системасы, лазерлы стоп-линия, фликерлар сату өчен автомат, тизлекне үлчәү системасы (һ.б.) белән җиһазландырачаклар.

«Цифрлы урам чаты»н шәһәргә «Аҗаган» җитештерү берләшмәсе бушлай бүләк иткән. Компания проектны ТР буенча Эчке эшләр министрлыгының ЮХИДИ идарәсе һәм республика Автомәктәпләр федерациясе белән берлектә әзерләгән. Проектны гамәлгә ашыру өчен - 2,8 миллион, аңа бер ел хезмәт күрсәтү өчен 150 мең сумга якын акча сарыф итәчәкләр.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10