ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Авыл

Әлки районында өч меңнән артык гектарда уҗым бодаен кире чәчәргә туры киләчәк

30 апрель 2019, 05:00 , Фото: alki-rt.ru/

Әлки районында өч меңнән артык гектарда уҗым бодаен кире чәчәргә туры киләчәк Игенчеләр язын 42 мең 728 гектар мәйданда чәчү эшләре башкарырга тиеш.

(Әлки, 30 апрель, "Татар-информ", "Әлки хәбәрләре"). Әлки районында 23 мең гектардагы уҗым бодаеның 3160 гектарын кире чәчәргә туры килә. Шулкадәр мәйданда көзге культура кышны чыга алмыйча һәлак булган. Тагын 6 мең гектарда уҗымнар канәгатьләнерлек хәлдә генә. Соңрак чәчелгән кырларда көзге бодай кышлауны авыр кичергән. Бу турыда район басмасы сайтында хәбәр ителә.

Бу көннәрдә район басуларында сабан культуралары чәчү тулы куәткә алып барыла. Игенчеләр язын 42 мең 728 гектар мәйданда чәчү эшләре башкарырга тиеш, 29 апрельгә шуның 6 мең гектарында орлыклар җир куенына салынган.

Туңга сөрелгән кырларда исә дым каплау эшләре тулысынча төгәлләнеп килә. Хәзер тырма агрегатлары уҗым басуларында эшли. Көзге культуралар тулысынча минераль ашламалар белән тукландырылды.

Чәчү эшләре “Кызыл Шәрык-Агро”ның “Үзәк Әлки”, “Көньяк-Көнчыгыш Әлки” филиалларында, “Хузангай”, “Яшь көч” җәмгыятьләрендә бик уңышлы бара. Башлыча арпа, көнбагыш һәм борчак культуралары чәчәләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10