ҺАВА ТОРЫШЫ +14 oC

Яңалыклар

барлык хәбәрләр Татарстан Россия
×

Фән һәм мәгариф

Әлки районы укучысы яшь уйлап табучылар олимпиадасында икенче урын алган

29 апрель 2019, 23:00 , Фото: alki-rt.ru/

Әлки районы укучысы яшь уйлап табучылар олимпиадасында икенче урын алган
Укучы кортлар бал җыя торган кәрәзне ояда килеш үлчәү мөмкинлеге бирә торган җайланма ясаган.

(Әлки, 29 апрель, "Татар-информ", "Әлки хәбәрләре"). Әлки районы Югары Әлморза мәктәбенең 7 сыйныф укучысы Ленар Билалов Казан дәүләт аграр университеты үткәргән яшь уйлап табучылар олимпиадасында икенче урын алган. Бу турыда җирел басма хәбәр итә.

Ленар мәктәпнең технология укытучысы Марс Нотфуллин җитәкчелек иткән “Оста куллар” түгәрәгендә шөгыльләнә. Бу остазның укучылары төрле республика бәйгеләрендә әледән-әле призлы урыннар ала.

Билаловлар күп умарта асрый, ә Ленар әтисе Наилгә бал кортларын карауда ярдәм итә икән. Умартачылар хезмәтен җиңеләйтү өчен, укучы кортлар бал җыя торган кәрәзне ояда килеш үлчәү мөмкинлеге бирә торган җайланма ясаган.

Ленар уйлап тапкан бу үлчәүне жюри югары бәяләгән, һәм ул “Роботлар һәм авыл хуҗалыгы техникасы” номинациясендә икенче урынга лаек дип табылган. Аны мәктәпне тәмамлагач аграр университетка укырга керергә чакырганнар. Ә Марс Нотфуллин вуз ректорының Рәхмәт хаты белән бүләкләнгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10