ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Кукмарада яшәүчеләр Бөек Ватан сугышы тарихы буенча тест язды

27 апрель 2019, 07:00 , Фото: kukmor-rt.ru/

Кукмарада яшәүчеләр Бөек Ватан сугышы тарихы буенча тест язды Биремнәр сугышның барлык чорына караган 30 сораудан торды.

(Кукмара, 27 апрель, "Татар-информ", "Хезмәт даны"). Кукмара гимназиясе базасында "Бөек Ватан сугышы тарихы буенча тест" Халыкара акциясе үткәрелде. Бөек Җиңү көне якынлашу уңаеннан теләге булган һәр кукмаралыга әлеге сугыш турындагы белемнәрен тикшереп карарга тәкъдим ителде. Бу турыда kukmor-rt.ru сайтында хәбәр ителә.

Биремнәр сугышның барлык чорына караган 30 сораудан торды. Аларга җавап табу өчен 30 минут вакыт бирелде. Җавапларның исә 4 варианты тәкъдим ителгән иде.

- Мондый акция безнең районда беренче тапкыр үтә һәм һәркемгә илебез тарихының шушы мөһим чорына күз салырга, вакыйгаларны, безгә тынычлык яулаган геройларны искә төшерергә ярдәм итә. Бүген акциядә 42 кеше катнашты. Тест гражданнарның тарихи белеме дәрәҗәләрен бәяләү, бу чор турында белем алырга җәлеп итү максатында үткәрелә, - дип сөйләде мәйданчык координаторы Азат Кәшипов.

Катнашырга өлгермәгән кешеләр Интернет челтәрендәге "Көн саен Россия белән горурланам!" проекты сайтында үз белемнәрен тикшереп карый ала.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10