ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Татар дөньясы

Галим Әлфәт Закирҗанов "Татар әдәбияты тарихы" басмасы сатылмавын әйтте

26 апрель 2019, 11:14 , Фото: Султан Исхаков

Галим Әлфәт Закирҗанов Басманы китапханәләргә, мәктәпләргә җибәрделәр.

(Казан, 26 апрель, "Татар-информ", Айгөл Шәйхлисламова). Г.Ибраһимов исемендәге тел, әдәбият һәм сәнгать институты галиме Әлфәт Закирҗанов 8 томлык "Татар әдәбияты тарихы" басмасының сатылмавын әйтте. Бу хакта ул "Татар әдәбияты тарихы" басмасына багышланган матбугат конференциясендә сөйләде.

Галим китапның Татарстан Министрлар Кабинеты заказы буенча эшләнүе һәм басылып чыгуы турында әйтте. Заказ туган телләрне үстерүгә бәйле закон программасы кысаларында тормышка ашырылган.

“Әлеге китапны сатуга чыгарырга ярамый. Без аны китапханәләргә, мәктәпләргә җибәрдек. Моңа кадәрге томнар да шулай җибәрелде”, - диде галим.

Киләчәктә китапны сатуга чыгарырга планлаштыралар. “Әлеге сорау бүгенге көндә җәмагатьчелек тарафыннан күтәрелде, шуңа күрә безнең институт әлеге томлыкларны, болары басылып бетү белән бергә, сатуга чыгаруны күздә тотып, китап нәшрияты белән сөйләшү барыла”, - диде Әлфәт Закирҗанов.

8 томлык "Татар әдәбияты тарихы" басмасының тиражы 1500. “Без әлеге томлыкларыбызны рус телендә дә бастырып чыгару мәсьәләсен планга кертүне алга куябыз, һәрхәлдә, бу турыда инде билгеле бер эзләнүләр алып барыла”, - диде галим. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10