ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Россия Эчке эшләр министрлыгының Аксубай районы бүлеге ветераннары бәйрәм итте

26 апрель 2019, 06:00 , Фото: aksubayevo.ru/

Россия Эчке эшләр министрлыгының Аксубай районы бүлеге ветераннары бәйрәм итте Бүген ветераннар оешмасы сафларында 55 пенсионер тора.

(Аксубай, 26 апрель, "Татар-информ", "Авыл таңнары", Людмила Жаренова). Россия Эчке эшләр министрлыгының Аксубай районы бүлеге ветераннары эчке гаскәр һәм эчке эшләр органнары ветераннары көнен билгеләп үтте. Бу турыда җирле басма хәбәр итә.

Бүген ветераннар оешмасы сафларында 55 пенсионер тора һәм аларның күбесе Россия ветераннар Советы оешуга 28 ел тулуны билгеләп үтү өчен бәйрәм өстәле артында очрашты.

– Эчке эшләр министрлыгы ветераны - горур яңгырый һәм ул зур әһәмияткә ия. Анда эчке эшләр министрлыгы һәм эчке гаскәрләренең тулы бер тормышы, тәҗрибәсе, профессиональлеге, күңел байлыгы, – дип сәламләде хезмәттәшләрен ветераннар советы рәисе Шамил Сәхабетдинов.

Ветераннар вафат булган иптәшләрен бер минутлык тынлык белән искә алдылар. Ветераннарның батырлыкларын билгеләп, яшь коллегаларына теләкләрен җиткереп, Шамил Сәхәбетдинов ветераннар оешмасы рәтен тулыландырган Рафаэль Хамәтгатинга һәм Илгизәр Нурхаметовка Эчке эшләр министрлыгы ветераннарының төбәк иҗтимагый оешмасы таныклыкларын тапшырды.

Ветераннарны Россия Эчке эшләр министрлыгының Аксубай районы буенча бүлек начальнигы Илгиз Алмакаев, Үзәк хәрби округ инспекторы генерал-майор Анатолий Молоствов, отставкадагы милиция полковнигы Николай Прончатов, Нурлат шәһәренең ветераннар оешмасы рәисе Александр Мясников котлады.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10