ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Хәвеф-хәтәр

Казанның Дальний бистәсендә яшәүчеләр язгы кар сулары басар дип борчыла

25 апрель 2019, 21:23

Кыш көне бистә янындагы мәйданнарга кар өемнәре китерелгән.

(Казан, 25 апрель, «Татар-информ»). Казанның Дальний бистәсендә яшәүчеләр язгы кар сулары басар дип борчыла. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«112 ашыгыч хезмәтләрне чакыруның бердәм номерына дүрт хәбәр килде. Хәбәрләрдә кышын ук китерелгән кар өемнәре эреп, су басу куркынычы турында сөйләнде», – диделәр Гадәттән тыш хәлләр министрлыгында.

Бу хактагы мәгълүмат Совет районы хакимиятенә җиткерелде. Әлеге очрак Казанның бердәм кизү-диспетчерлык хезмәте контролендә тора.

Татарстан Гадәттән тыш хәлләр министрлыгында республика территориясендә язгы ташу торышы тотрыклы, дип хәбәр иттеләр. Язгы су күтәрелү Нократ елгасында дәвам итә - узган тәүлек эчендә Нократ Аланы янында су җиде сантиметрга күтәрелгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10