ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Фән һәм мәгариф

Татарстан укучылары Сочида экология буенча Бөтенроссия олимпиадасында 15 медаль яулады

24 апрель 2019, 07:11

Бөтенроссия олимпиадаларында җиңүчеләр һәм призерлар Россиянең теләсә кайсы югары уку йортына профильле юнәлешләргә имтихансыз керә алалар.

(Казан, 24 апрель, "Татар-информ"). Татарстан укучылары Сочида узган экология буенча Бөтенроссия олимпиадасында 15 медаль яулады. Бу хакта ТР Мәгариф һәм фән министрлыгы хәбәр итә.

Олимпиада ярышларында Россиянең 71 регионыннан 230 мәктәп укучысы катнашты. Татарстанны республиканың төрле муниципаль берәмлекләреннән 25 укучы тәкъдим итте.

Ярыш 15 апрельдән 20 апрельгә кадәр Сочида узды.

Олимпиаданың ябылу тантанасында 17 җиңүче һәм 85 призер дипломнар белән бүләкләнде. Татарстан 15 бүләккә лаек булды, алар арасында икесе җиңүче.

Бөтенроссия олимпиадаларында җиңүчеләр һәм призерлар Россиянең теләсә кайсы югары уку йортына профильле юнәлешләргә имтихансыз керә алалар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10