ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Россия табиблары беренчеләрдән булып балага бер үк вакытта бавыр һәм үпкә күчереп утыртты

23 апрель 2019, 10:05

Тугыз яшьлек малай операцияне уңышлы кичергән, тернәкләндерү курсын үткән һәм инде хастаханәдән чыгарга әзерләнә.

(Казан, 23 апрель, «Татар-информ»). Академик Шумаков исемендәге Илкүләм медицина тикшеренү үзәге табиблары дөньяда беренчеләрдән булып муковисцидоз белән авыручы тугыз яшьлек балага бер үк вакытта бавыр һәм үпкә күчереп утыртты. Бу хакта «Интерфакс» агентлыгы хәбәр итә.

«Бу – балага өч органны (чөнки кешенең үпкәсе икәү) күчереп утыртуга бәйле беренче уңышлы операция», - дип белдерде учреждение директоры Сергей Готье журналистларга.

Дөньяда мондый операцияләрне бик сирәк ясыйлар, ә мондый яшьтәге балаларга берничә органны уңышлы трансплантацияләү очраклары медицинада очрамый диярлек.

Пациент операцияне уңышлы кичергән, тернәкләндерү курсын үткән һәм инде хастаханәдән чыгарга әзерләнә.

Муковисцидоз — нәселдән килә торган авыру. Ул берничә органны (үпкә, бавыр, ашказаны асты бизе, эчәк) зарарлый.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10