ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Хәвеф-хәтәр

Актаныш районында Бөек Ватан сугышы ветеранының акчасын үзләштерүдә гаепле кеше ачыкланган

23 апрель 2019, 02:00

Суд аны 7000 сум күләмендә штрафка тарткан.

(Актаныш, 23 апрель, "Татар-информ", "Актаныш таңнары"). Актаныш районында Бөек Ватан сугышы ветеранының акчаларын үзләштерүдә гаепле дип танылган почтаның элеккеге хезмәткәренә карата хөкем карары чыгарылды. Бу турыда җирле басма хәбәр итә.

Актаныш районы прокуратурасы элекке хат ташучы хатын-кызга карата җинаять эше буенча дәүләт гаепләвен хуплады. Суд аны РФ Җинаять кодексының 160 матдәсенең 1 өлешендә каралган җинаять кылуда (үзләштерү, ягъни ышанып тапшырылган чит кеше милкен урлау) гаепле дип тапкан.

Судта хөкем ителүченең 2015 елның февраленнән алып 2018 елның декабренә кадәр аралыкта үзенә ышанып тапшырылган 34 713 сум 58 тиен күләмендә акча урлавы ачыкланды.

Бу акча “Бөек Ватан сугышы инвалиды” категориясе буенча түләүгә субсидия-ташламалар алучыга бирелгән булган.

Хөкем ителүче үз гаебен тулысынча таныган, китерелгән зыянны каплаган. Суд аны 7000 сум күләмендә штрафка тарткан. Хөкем карары законлы көченә кермәгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10