ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Хәвеф-хәтәр

Истанбулда бүген дүрт катлы йорт җимерелгән

22 апрель 2019, 20:49

Әлеге бина янындагы тагын ун йортта яшәүчеләр эвакуацияләнгән.

(Казан, 22 апрель, «Татар-информ»). Истанбулның Кягытханә районындагы дүрт катлы торак йорт җимерелгән, халыкны эвакуацияләгәннәр, зыян күрүчеләр юк. Бу хакта дүшәмбе көнне Истанбул губернаторы хакимиятенә сылтама белән РИА Новости хәбәр итте.

«Бүген 14.15 сәгатьтә (Мәскәү вакыты белән туры килә) Истанбулның Кягытханә районындагы 4 катлы йорт ишелеп төште. Иртән йортта яшәүчеләр эвакуацияләнде, шулай ук районда куркынычсызлык чаралары күрелде. Зыян күрүчеләр юк», - диелә хакимият сайтында урнаштырылган хәбәрдә.

Җимерелгән бина янындагы тагын ун йортта яшәүчеләр эвакуацияләнде, дип билгеләп үтелә. Бу биналарга шулай ук җимерелү куркынычы яный.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10