ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Рәсми Татарстан

Миңнеханов торак базарын үстерү буенча РФ Дәүләт Советының эшче төркеме утырышын уздырды

22 апрель 2019, 19:00 , Фото: tatarstan.ru

Миңнеханов торак базарын үстерү буенча РФ Дәүләт Советының эшче төркеме утырышын уздырды Көн тәртибенең төп темасы илкүләм проектларны гамәлгә ашырганда кулланыла торган төзелеш материалларына бәя кую булды.

(Казан, 22 апрель, «Татар-информ»). Татарстан Президенты Рөстәм Миңнеханов «Төзелеш, торак-коммуналь хуҗалык, шәһәр мохите» юнәлеше буенча Россия Дәүләт Советы эшче төркеме утырышын уздырды. Чарада Россия төзелеш һәм торак-коммуналь хуҗалыгы министры Владимир Якушев катнашты. Бу хакта Татарстан Президенты матбугат хезмәте хәбәр итә.

Көн тәртибендәге төп тема - милли проектларны һәм инфраструктураны модернизацияләү буенча комплекслы планны тормышка ашырганда кулланыла торган төзелеш материалларына бәя бирү булды.

Заседание рабочей группы Государственного совета Российской Федерации по направлению "Строительство, жилищно-коммунальное хозяйство, городская среда". Проводит Президент Республики Татарстан Р.Н. Минниханов.

«Утырышны ачып, Рөстәм Миңнеханов илкүләм проектларны нәтиҗәле гамәлгә ашыру бәяләрне формалаштыру механизмнарына турыдан-туры бәйле, диде. Ул искәртеп узганча, әлеге тема быел 12 апрельдә Россия Премьер-министры Дмитрий Медведев уздырган киңәшмәдә тикшерелгән», - дип билгеләп үттеләр матбугат хезмәтендә.

Татарстан Президенты төзелеш тармагы рентабельле булырга тиешлеген, ләкин шул ук вакытта тармакта бәя кую кагыйдәләрен закон нигезендә беркетергә кирәклеген җиткерде.

Заседание рабочей группы Государственного совета Российской Федерации по направлению "Строительство, жилищно-коммунальное хозяйство, городская среда". Проводит Президент Республики Татарстан Р.Н. Минниханов.

Утырыш кысаларында төзелеш материалларына бәяләрне җайга салу, төзелеш ресурслары базарында көндәшлекле мохит булдыру һәм башка актуаль мәсьәләләр кузгатылды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10