ҺАВА ТОРЫШЫ +24 oC

Яңалыклар

барлык хәбәрләр Татарстан Россия

Җәмгыять

Федерация Советы ОСАГО кәгазь һәм электрон полислары тигез статусы турында законны хуплады

22 апрель 2019, 19:56

Һәркемгә полисның дөреслеген раслау өчен уникаль номер биреләчәк.

(Казан, 22 апрель, «Татар-информ»). Федерация Советы пленар утырышта кәгазь һәм электрон полислар статусын тигезләде, шулай ук ОСАГОдагы иминиятләштерүне тыюны гамәлдән чыгара торган законны хуплады. Бу хакта ТАСС хәбәр итә.

Закон мәҗбүри иминият полислары хокукларында иминиятләштерүче кәгазьдә яисә электрон документ рәвешендә сайлаган рәсмиләштерелгән иминият полисларын тигезли. Һәркемгә иминиятчене идентификацияләү һәм полисның дөреслеген раслау өчен уникаль номер биреләчәк.

Юлларда полисның кәгазьдә басылган күчерелмәсен күрсәтү мәҗбүри булмаячак. ОСАГО килешүе булу-булмавын төрле ысуллар белән, шул исәптән мобиль җайланмадан, мәгълүмат базасына мөрәҗәгать аша тикшерергә мөмкин булачак.

Иминият полисы полиция хезмәткәрләре тарафыннан тикшерү өчен кәгазь вариантта, ә электрон килешү төзелгән очракта - электрон документ яки аны бастырып чыгару рәвешендә тәкъдим ителергә мөмкин.

Документ шулай ук иминиятчеләр системаларында һәм хисапларында полисларны икеләтә исәпкә алуны төшереп калдыруны һәм һәр иминиятченең полисларына уникаль тәртип номерларын бирүне күздә тота.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10