ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Казан май бәйрәмнәрендә сәяхәт итү өчен Россиянең иң популяр шәһәрләре өчлегенә керде

22 апрель 2019, 10:13 , Фото: Рамиль Гали

Казан май бәйрәмнәрендә сәяхәт итү өчен Россиянең иң популяр шәһәрләре өчлегенә керде 1-15 май көннәрендә кунакханәләр 63 процентка тулачак.

(Казан, 22 апрель, «Татар-информ», Әдилә Зыятдинова). Казан май бәйрәмнәрендә сәяхәт итү өчен Россиянең иң популяр шәһәрләре өчлегенә керде. Туризмны үстерү комитеты директоры Дарья Санникова Казан мэриясендә узган эшлекле дүшәмбе киңәшмәсендә шул хакта хәбәр итте.

«Казан май бәйрәмнәрендә сәяхәт итү өчен Россиянең иң популяр шәһәрләре өчлегенә керде. Башлангыч мәгълүматларга караганда, 1-15 май көннәрендә кунакханәләр 63 процентка тулачак. 1-5 һәм 9-12 май көннәрендә ул 71 процент тәшкил итәчәк, кунакханәләрдә урын белешеп кую әле дәвам итә, шуңа күрә күрсәткечләрнең тагын да артуын көтәбез», - дип хәбәр итте ул.

Май бәйрәмнәрендә сәяхәт итү өчен Россиянең иң популяр шәһәрләре бишлегенә шулай ук Санкт-Петербург, Севастополь, Мәскәү, Ярославль дә керде. Татарстан башкаласы популярлыгы ягыннан Мәскәү һәм Севастопольне узып китте.

Санникова искәрткәнчә, шәһәр кунаклары өчен Казан Кремле территориясендә Бөек Җиңүгә багышланган бушлай экскурсияләр һәм квестлар оештырылачак.

Туризмны үстерү комитеты экскурсоводлар гильдиясе белән бергә инде бу атнада ук үзәк урамнар һәм җәмәгать киңлекләре буенча төп туристик җәяүлеләр маршрутларын тикшерә башлаячак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10