ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Авыл

Спас районында көзге бодайларны тукландыру эшләрен тәмамлаган хуҗалыклар бар

21 апрель 2019, 23:00 , Фото: spas-rt.ru/

Спас районында көзге бодайларны тукландыру эшләрен тәмамлаган хуҗалыклар бар Быел яз иртә килгәнлектән, хуҗалык механизаторлары басуга узган елдагыга караганда ике атнага алданрак чыкты.
(Казан, 21 апрель, "Татар-информ", "Яңа тормыш"). Спас районы Никольский авылында Андрей Синицын крестьян (фермер) хуҗалыгы механизаторлары көзге бодай басуларын тукландыруны тәмамладылар, инде сөрелгән мәйданнарда тырмалау эшләре дә бүген-иртәгә бетәргә тиеш. Бу хакта җирле басма яза. 
 
Быел яз иртә килгәнлектән, хуҗалык механизаторлары басуга узган елдагыга караганда ике атнага алданрак чыкты. Һава шартларының да нәтиҗәле эшләү өчен әйбәт торуын әйтергә кирәк. Хуҗалыкның чәчү мәйданнары 1520 гектар тәшкил итә. Быел тагын 400 гектарны арендага алганнар.
 
300 гектардагы көзге культураларны аммиак селитрасы белән  МТЗ-82 тракторына тагылган агрегат ярдәмендә Ринат Зарипов тукландырган, ашламаны басуга шундый ук маркадагы трактор белән Андрей Щелкунов ташып торган.
 
800 гектардагы басуда туфрак тырмалау белән Александр Тужилкин, Виктор Панчугин һәм Александр Субботкин мәшгуль. Механизаторлар К-700 һәм Т-150 тракторларыннан нәтиҗәле файдаланалар.
 
Механизаторларның югары күрсәткечләргә ирешеп эшләвендә техниканың алдан ук яхшы итеп әзерләп куелуы да үз ролен уйный. Хуҗалыкта ягулык-майлау материалларын, минераль ашламаларны алдан ук кирәк кадәр күләмдә туплап куйганнар. Башка оештыру мәсьәләләре дә хәл ителгән. 
 
Бу язда механизаторлар алдында 800 гектарда арпа, тары, көнбагыш һәм карабодай чәчү бурычы тора. Техника ышанычлы булганда, никольскилыларның быел да сынатмаячакларына бер шик юк.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10