ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Мәдәният

Уфада һәр якшәмбе саен кинотеатрда балалар өчен «Туган тел» сәгате оештыралар

21 апрель 2019, 11:54

«Родина» кинотеатрында туган телдә эчтәлекле һәм күңелле аралашу өчен мәдәни сәяхәт уздыралар.

(Казан, 21 апрель, «Татар-информ»). Уфада «Родина» кинотеатрында «Туган тел сәгате» акциясе бара. Кинотеатр директоры Татьяна Разинаның идеясе буенча «Тамыр» балалар-яшүсмерләр телеканалы  март аеннан башлап һәр якшәмбедә балалар һәм әти-әниләр өчен мавыктыргыч мәдәни сәяхәт оештыра. Бу хакта «Башинформ» хәбәр итә.

Яшь тамашачылар «Тел ачкычы», «Умырзая» һәм башка фильм-әкиятләр карарга өлгергән инде. Балалар өчен фильмнар төшерүчеләр һәм актерлар белән мавыктыргыч очрашулар, бүләкләр белән уеннар, фоторәсемгә төшүләр оештырыла. Әлеге чара туган телдә эчтәлекле һәм күңелле аралашу булып тора.

Бу якшәмбедә «Родина» кинотеатрының яшел залында балаларны берничә телевизион фестивальдә җиңүче булган «Камыр батыр» исемле әкият-фильм көтә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10