ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Мәдәният

Әтнә районы Күәм авылында шагыйрь Самат Шакирның тууына 95 ел тулуны билгеләп үттеләр

20 апрель 2019, 00:00 , Фото: atnya-rt.ru

Әтнә районы Күәм авылында шагыйрь Самат Шакирның тууына 95 ел тулуны билгеләп үттеләр Кунакларның һәрберсе шагыйрь белән бәйле истәлекләрен барлады, уртаклашты.

(Әтнә, 19 апрель, “Татар-информ”, ”Әтнә таңы”). Әтнә районы Күәм урта мәктәбендә шагыйрь Самат Шакир тууына 95 ел тулуны билгеләп үттеләр. Әлеге әдәби-музыкаль кичәне “Батырлык җырчысы” дип исемләгәннәр. Бу турыда район басмасы сайтында хәбәр итәләр.

Әдип һәм журналист, бөтен гомерен балалар укытуга багышлаган педагог булу белән бергә, күренекле эзтабар ул. Яшь вакыттан ук иҗат утында янып, атаклы шагыйрь Абдулла Алиш фатихасын алган тынгысыз эзтабар, узган сугышларның кайнар эзләреннән йөреп, моңарчы билгесез булган бик күп батырларыбызны ачыклый.

Ул батырларны халык күңеленә мәңгелеккә кайтара. Биредә дә һәйкәл куелган батырларны искә алдылар, шунысы кызык, өчесе өч милләттән: испан Рубен Ибаррури, татар Хафиз Фәттахетдинов, рус Владимир Каменщиков...

Самат Шакирның Дахау концлагерендә гомере өзелгән көрәшче-шагыйрь подполковник Хәйретдин Мөҗәй турында материаллар туплап, киң җәмәгатьчелеккә игълан итүен дә искә алдылар. Шунда ук Самат Шакирның балаларга багышланган күпсанлы шигырьләр авторы булуын әйтеп тә горурландылар.

Кунакларның һәрберсе шагыйрь белән бәйле истәлекләрен барлады, уртаклашты. Данил Салихов исә: "Самат Шакир кебекләр гасырга бер туа. Сез аның белән хаклы рәвештә горурлана аласыз", - диде.

Аның 38 китабы дөнья күрә. Ул – “Татарстанның атказанган мәдәният хезмәткәре”.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10