ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Зур Кукмара мәктәбе ишегалдында Мияссәр Мансуровның бюсты ачылды

19 апрель 2019, 23:00 , Фото: kukmor-rt.ru

Зур Кукмара мәктәбе ишегалдында Мияссәр Мансуровның бюсты ачылды Зур Кукмара урта мәктәбенә аның исеме бирелде.

(Кукмара, 19 апрель, "Татар-информ", "Хезмәт даны"). Зур Кукмара урта мәктәбендә әлеге уку йортына районның танылган шәхесе Мияссәр Мансуровның исемен бирүгә багышланган тантаналы чара үткәрелде. Бу турыда kukmor-rt.ru сайтында хәбәр ителә.

Анда район җитәкчелеге, ветераннар, авыл халкы һәм мәктәп укучылары катнашты. Чыгышлардан соң, мәктәп ишегалдында Мияссәр Мансуровның бюсты ачылып, аңа чәчәкләр куелды.

Мияссәр ага Мансуров авыл хуҗалыгы, төзелеш тармакларында эшләде, гомеренең соңгы көннәренә кадәр район ветераннар оешмасын җитәкләде. Аның гомуми хезмәт стажы 66 елга җыела. Ул зур оештыру сәләтенә ия булган, актив, бернәрсәгә дә битараф кала белмәгән тынгысыз күңелле шәхес иде.

- Мәктәпкә Мияссәр аганың исеме бирелү – барыбыз өчен дә зур горурлык. Бу исемне акларга тырышыгыз, - диде район Советы аппараты җитәкчесе Резедә Гаянова, укучыларга мөрәҗәгать итеп.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10