ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Икътисад

Татар яшьләре проблемалары турындагы программаны дрон ярдәмендә 4К форматында төшерәчәкләр

19 апрель 2019, 17:26

Татарстан Мәдәният министрлыгы телепроект нечкәлекләрен сер итеп саклый, ул республикага 330 мең сумга төшәчәк.

(Казан, 19 апрель, «Татар-информ», Ксения Перепеченова). Татарстан Республикасы Мәдәният министрлыгы татар яшьләре проблемалары турында телетапшырулар төшерү өчен подрядчы эзли. Кино төшерүгә республика бюджетыннан 330 мең сум акча бүлеп биреләчәк. Бу турыда дәүләт сатып алулары сайтында хәбәр ителә.

4К форматында видеоны җиде камера, шул исәптән квадрокоптердагы камера да яздырачак. Режиссер сыйфатында Татарстан телевидениесендә яңа картина булдыру өчен телесъемкалар эшләү тәҗрибәсе булган иҗат кешесен чакырачаклар.

Программа яшьләргә җәмәгатьчелек игътибарын җәлеп итәргә тиеш. Аңа Татарстанда сәламәт яшәү рәвешен, татар телен һәм кыйммәтләрен пропагандаларга кирәк. Моннан тыш, ул иҗади яшьләр өчен мәйданчык булачак, диелгән конкурс документларында.

Татарстан Республикасы Мәдәният министрлыгының матбугат хезмәтендә хәбәр ителгәнчә, проект детальләре җиңүчесе билгеле булгач кына игълан ителәчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10