ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада җиңел машина эчендә кислород баллоны шартлаган, йөртүче зыян күргән

19 апрель 2019, 15:26

Бу хәл бүген Тыныч аллея урамында 14нче йорт янында булган.

(Казан, 19 апрель, «Татар-информ»). Түбән Камада җиңел машина эчендә кислород баллоны шартлаган, йөртүче зыян күргән. Бу турыда Татарстан буенча Эчке эшләр министрлыгы матбугат хезмәте хәбәр итә.

«Беренчел мәгълүматлар буенча, бүген көндез автомобильне кабызганда, салондагы ике кислород баллоны шартлаган», – диелгән хәбәрдә.

“Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, бу хәл бүген Тыныч аллея урамында 14нче йорт янында булган. Янгын сүндерүчеләр машинаны чолгап алган янгынны тиз сүндергән.

Һәлакәт аркасында машина йөртүче зыян күргән. Бу хәлнең килеп чыгу сәбәпләре һәм зыян күрүченең хәле ачыклана.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10