ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Татарстанның күпчелек сулыкларында ташу суының кимүе күзәтелә

19 апрель 2019, 10:18

Бер тәүлек эчендә Куйбышев сусаклагычында - Югары Ослан торак пункты янында суның биеклеге 16 сантиметрга арткан.

(Казан, 19 апрель, «Татар-информ»). Татарстанның күпчелек сулыкларында ташу суының кимүе күзәтелә. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Нократ елгасында суның күтәрелүе дәвам итә. Татарстанның калган елга-күлләрендә ташу суы акрынлап кимүгә таба бара», - дип искәрттеләр ведомствоның матбугат хезмәтендә.

Республиканың Арча районы Кәче авылы янындагы юл әле дә су эчендә. Биредә ташу суының биеклеге 30 сантиметр тәшкил итә.

Куйбышев сусаклагычында - Югары Ослан торак пункты янында суның биеклеге 16 сантиметрга арткан һәм 51,55 сантиметр билгесендә туктап калган. Түбән Кама сусаклагычында – Чаллы шәһәре янында суның биеклеге 2 сантиметрга кимегән.

Түбән Кама ГЭСының түбәнге бьефында суның биеклеге 9 сантиметрга артып, 53,05 метр билгесендә туктап калган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10