ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Дәүләти булмаган пенсияне алу хокукы үзгәртелергә мөмкин

19 апрель 2019, 09:28

Закон проекты Дәүләт Думасына депутатлар һәм сенаторлар төркеме исеменнән май аенда тапшырылырга мөмкин.

(Казан, 19 апрель, «Татар-информ»). Дәүләт Думасы депутатлары дәүләти булмаган пенсия фондлары белән берлектә закон проекты әзерләгән. Аның нигезендә ирекле пенсия иминияте кысаларында пенсия килешүләре буенча дәүләти булмаган пенсияне ир-атлар – 60, хатын-кызлар 55 яшьтән алу хокукына ия булачак. Бу хакта ТАСС агентлыгы хәбәр итә.

Дәүләт Думасының финанс базары комитеты әгъзасы Дмитрий Скриванов пенсия системасы үсешен закон ягыннан тәэмин итү буенча эшче төркем утырышында шулай дип белдерде.

Аның сүзләренчә, закон проекты Дәүләт Думасына депутатлар һәм сенаторлар төркеме исеменнән май аенда тапшырылырга мөмкин.

Бүген дәүләти булмаган пенсия фонды белән 2019 елның 1 гыйнварыннан соң килешү төзегән затлар дәүләти булмаган пенсияне яңа пенсия яше нигезендә (ир-атлар – 65, хатын-кызлар – 60 яшьтән) алу хокукына ия. Шуңа бәйле рәвештә, депутатлар законга тиешле төзәтмәләрне кабул итү тәкъдиме белән чыга.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10